Akademisyèn Chantal Hirsch NOEL

Prezantasyon

Akademisyèn Chantal Hirsch NOEL fèt 13 septanm 1955, nan komin Pòtoprens, depatman Lwès, Ayiti. Li gen yon Doktora nan Odontoloji nan Inivèsite Leta Ayiti an 1979, li fè anpil lòt etid nan menm domèn nan aletranje. Li se Sekretè Komisyon Episcopal legliz Katolik pou Tradiksyon Labib an kreyòl. Li ekri plizyè istwa ak kont an kreyòl.

Piblikasyon

- Nòs la, istwa pou timoun

- An n fè yon bout wout ak Malis-san-kari, liv sou bouch pou timoun aprann kijan pou yo bay bouch yo bon jan laswenyaj

- Sonje, Kont an kreyòl

- Nouvo kontra (travay kolektif). Bib Katolik nan lang kreyòl

Angajman
· Edikasyon

· Relijyon

· Piblikasyon

Se Inivèsite Leta Ayiti ki te pwopoze kandidati Chantal Hirsch NOEL kòm Akademisyèn pou li te vin manm Akademi Kreyòl Ayisyen.

Akademi Kreyòl Ayisyen

Atik 213 Konstitisyon 1987 la prevwa pou Leta kreye yon akademi pou kore devlòpman lang kreyòl la. Se nan lane 2008, plis pase ven (20) lane apre adopsyon konstitisyon an, Inivèsite Leta Ayiti te pran inisyativ pou li mete kanpe komite pou tabli Akademi Kreyòl Ayisyen an ki te gen ladan li reprezantan divès enstitisyon, prive kou piblik. Konsa, soti 27 pou rive 29 oktòb 2011, komite a òganize yon kòlòk entènasyonal ki mobilize divès espesyalis nan edikasyon, sosyoloji, antwopoloji, lengwistik, sikoloji, elatriye.

Akèy

Akademisyen

Dokiman

Kontakte nou!

Istorik

Imaj

Videyo

Adrès: 20, Avni Lamartinière, Bwa Vèna, HT 6116, Pòtoprens, Ayiti | Telefòn : (+509) 3333-0815 / 3333-0816