Akademisyen Clotaire SAINT-NATUS

Prezantasyon

Powèt, ekriven, tradiktè, Clotaire Saint-Natus fèt 22 avril 1956 nan komin Anse d’Hainault, nan depatman Grandans Ayiti. Li fè etid primè li nan lekòl Sen Lwi (Jérémie) ak etid segondè li nan Kolèj Jean Price Mars (Port-au-Prince). Soti lane 1975 rive 1978, li pran yon lisans nan lèt modèn nan Ecole Normale Supérieure. Li suiv yon - anpil seminè soti 1982 rive 2010. Li fè yon eskolarite metriz nan Syans Sosyal, Université Quisqueya.

Piblikasyon

Piblikasyon Akademisyen Clotaire yo gen pou wè ak plizyè domèn : alfabetizasyon, literati, didaktik, elatriye.

· Natif Natal, pwezi

· Moun, pwezi

· Mèt lawouze douvanjou (tradiksyon woman « Gouverneurs de la rosée Jacques Roumain an)

· Goute sèl yon degi, misyon alfa, 1995

· Egalego nasyonal nasyono, metòd Clotaire Saint-Natus, alfa deklarasyon inivèsèl dwa moun

Angajman
Akademisyen an defann oswa fè pwomosyon lang kreyòl nan plizyè domèn, tankou:

· Kominikasyon

· Dwa timoun

· Sosyoloji

· Relijyon.

Fondasyon Maurice Sixto se enstitisyon kite pwopoze Clotaire SAINT-NATUS pou te vin manm Akademi Kreyòl Ayisyen an.

Akademi Kreyòl Ayisyen

Atik 213 Konstitisyon 1987 la prevwa pou Leta kreye yon akademi pou kore devlòpman lang kreyòl la. Se nan lane 2008, plis pase ven (20) lane apre adopsyon konstitisyon an, Inivèsite Leta Ayiti te pran inisyativ pou li mete kanpe komite pou tabli Akademi Kreyòl Ayisyen an ki te gen ladan li reprezantan divès enstitisyon, prive kou piblik. Konsa, soti 27 pou rive 29 oktòb 2011, komite a òganize yon kòlòk entènasyonal ki mobilize divès espesyalis nan edikasyon, sosyoloji, antwopoloji, lengwistik, sikoloji, elatriye.

Akèy

Akademisyen

Dokiman

Kontakte nou!

Istorik

Imaj

Videyo

Adrès: 20, Avni Lamartinière, Bwa Vèna, HT 6116, Pòtoprens, Ayiti | Telefòn : (+509) 3333-0815 / 3333-0816