Akademisyen Michel Anne-Fréderic DEGRAFF

Prezantasyon

Michel Anne Frédéric DEGRAFF fèt nan komin Pòtoprens 26 jiyè 1963. Nan lane 1982 li fè yon Lisans nan enfòmatik ak matematik nan City College, City University of New York. Nan lane 1986 li fè yon Metriz nan enfòmatik pou lengwistik nan Inivèsite Pennsylvania. Nan lane 1992, li dekwoche yon Doktora nan enfòmatik pou lengwistik, toujou nan Inivèsite Pennsylvania. Tèz doktora li a pote tit « Gramè kreyòl epi aprantisaj sentaks: Yon etid sou kreyòl Ayisyen ».

Piblikasyon

· Gid Fizik Inisyativ MIT-Ayiti

· An n bati lekòl tèt an wo: Lang manman, pedagoji ak teknoloji kòm engredyan fondal natal pou yon chanjman radikal

· Wòl lengwis nan kore bon jan edikasyon pou respè dwa moun

Baryè lang ann Ayiti: Kreyòl se lang peyi a; se pou sa fòk lekòl fèt an Kreyòl

Angajman
Se yon syantifik ki angaje tèt li, pandan plis pase 25 lane, pou li sèvi ak bon fondasyon teyorik nan lengwistik epi nan syans edikasyon pou l esplike enpòtans pou Ayiti sèvi ak lang kreyòl la tout kote e nan tout nivo edikasyon nasyonal la. Li fè anpil rechèch sou devlòpman ak estrikti lang kreyòl la, enpòtans lang kreyòl la nan rechèch ak ansèyman, nan syans ak matematik. Li ekri anpil atik syantifik sou lang kreyòl ayisyen an ki parèt nan jounal an Ayiti kou aletranje.

Li angaje li nan sektè sa yo :

- Rechèch

- Lengwistik

- Edikasyon

Se Inivèsite Karayib ki te depoze dosye kandidati Michel Anne Frédéric DEGRAFF kòm Akademisyen.

Akademi Kreyòl Ayisyen

Atik 213 Konstitisyon 1987 la prevwa pou Leta kreye yon akademi pou kore devlòpman lang kreyòl la. Se nan lane 2008, plis pase ven (20) lane apre adopsyon konstitisyon an, Inivèsite Leta Ayiti te pran inisyativ pou li mete kanpe komite pou tabli Akademi Kreyòl Ayisyen an ki te gen ladan li reprezantan divès enstitisyon, prive kou piblik. Konsa, soti 27 pou rive 29 oktòb 2011, komite a òganize yon kòlòk entènasyonal ki mobilize divès espesyalis nan edikasyon, sosyoloji, antwopoloji, lengwistik, sikoloji, elatriye.

Akèy

Akademisyen

Dokiman

Kontakte nou!

Istorik

Imaj

Videyo

Adrès: 20, Avni Lamartinière, Bwa Vèna, HT 6116, Pòtoprens, Ayiti | Telefòn : (+509) 3333-0815 / 3333-0816