Akademisyen Fritz DESHOMMES

Prezantasyon

Akademisyen Fritz DESHOMMES fèt Pòtoprens nan dat 18 novanm 1954. Li se ekonomis, ekriven, pwofesè inivèsite. Li gen yon lisans nan Syans Ekonomik (Faculté de Droit et des Sciences Economiques, 1982) ak yon Metriz nan Ekonomi ak Planifikasyon devlòpman (Universidad Nacional Autonoma de Honduras, 1989) ». Fritz DESHOMMES se yonn nan moun ki te dèyè inisyativ pou te mete kanpe Akademi Kreyòl Ayisyen an pandan li te nan tèt visrektora Université d’Etat d’Haïti.

Piblikasyon

Pami latriye liv ak atik Fritz DESHOMMES pibliye, nou ka site :

• Brase lide sou refòm nan Inivèsite Leta d Ayiti ; Edisyon Kaye inivèsitè, me 2014

• Ce pays qui s’ignore / Yon peyi ki pa konnen valè tèt li ; Edisyon Inivèsite Leta Ayiti, me 2013

• Décentralisation et Collectivités territoriales en Haïti : Etat des lieux ; L’Imprimeur II, Pòtoprens, Ayiti, me 2004.

• Université et Luttes démocratiques en Haïti ; L’Imprimeur II, Pòtoprens, Ayiti, 2003

• La dette du Tiers-Monde et la Crise financière internationale in « Le Nouvelliste » nan dat sa yo : 29 jen, 16 jiyè, 23 jiyè, 30 jiyè, 6 ak 16 dawout 1983

Angajman
Pou defann ak fè pwomosyon lang kreyòl la, Fritz DESHOMMES entèveni nan domèn sila yo :

- Rechèch

- Edikasyon

- Ekonomi

Se Invèsite Leta Ayiti ki te pwopoze Fritz DESHOMMES kòm Akademisyen.

Akademi Kreyòl Ayisyen

Atik 213 Konstitisyon 1987 la prevwa pou Leta kreye yon akademi pou kore devlòpman lang kreyòl la. Se nan lane 2008, plis pase ven (20) lane apre adopsyon konstitisyon an, Inivèsite Leta Ayiti te pran inisyativ pou li mete kanpe komite pou tabli Akademi Kreyòl Ayisyen an ki te gen ladan li reprezantan divès enstitisyon, prive kou piblik. Konsa, soti 27 pou rive 29 oktòb 2011, komite a òganize yon kòlòk entènasyonal ki mobilize divès espesyalis nan edikasyon, sosyoloji, antwopoloji, lengwistik, sikoloji, elatriye.

Akèy

Akademisyen

Dokiman

Kontakte nou!

Istorik

Imaj

Videyo

Adrès: 20, Avni Lamartinière, Bwa Vèna, HT 6116, Pòtoprens, Ayiti | Telefòn : (+509) 3333-0815 / 3333-0816