Akademisyen Dominique BARTHELEMY

Prezantasyon

Dominique BARTHÉLEMY FÈT 3 mas 1964 nan komin Limonad, depatman Nò peyi Ayiti. Li gen de (2) lisans: yonn nan syans jiridik ak yon lòt nan syans lengwistik nan Université d’Etat d’Haiti. Mesye Barthélemy genyen tou fòmasyon kòm jij, li dplome nan Ecole de la Magistrature Lekòl (EMA) nan lane 2014.

Angajman

Pwofesè e manm fondatè Asosyasyon pwofesè Lang Kreyòl Nò/Nòdès, Mesye Barthélemy fè pwomosyon lang kreyòl nan divès aktivite l ap mennen nan Nò peyi a depi 2001, lane li kite Pòtoprens pou retounen lakay li Okap. Li fonde, nan lane 2017 la, AKÒ (Aksyon Kreyòl Òganize). Wòl prensipal òganizasyon sila a se sèvi yon referans pou ankadre popilasyon Nò a nan aktivite entèlèktyèl ki angaje lang kreyòl, tankou : preparasyon ak prezantasyon konferans ; koreksyon ak lekti kritik maniskri, elatriye.

Se Asosyasyon Pwofesè Lang Kreyòl Nò/Nòdès ki te rekòmande Dominique BARTHÉLEMY pou vin Akademisyen.

Akademi Kreyòl Ayisyen

Atik 213 Konstitisyon 1987 la prevwa pou Leta kreye yon akademi pou kore devlòpman lang kreyòl la. Se nan lane 2008, plis pase ven (20) lane apre adopsyon konstitisyon an, Inivèsite Leta Ayiti te pran inisyativ pou li mete kanpe komite pou tabli Akademi Kreyòl Ayisyen an ki te gen ladan li reprezantan divès enstitisyon, prive kou piblik. Konsa, soti 27 pou rive 29 oktòb 2011, komite a òganize yon kòlòk entènasyonal ki mobilize divès espesyalis nan edikasyon, sosyoloji, antwopoloji, lengwistik, sikoloji, elatriye.

Akèy

Akademisyen

Dokiman

Kontakte nou!

Istorik

Imaj

Videyo

Adrès: 20, Avni Lamartinière, Bwa Vèna, HT 6116, Pòtoprens, Ayiti | Telefòn : (+509) 3333-0815 / 3333-0816