Akademisyen Gesner JEAN PAUL

Prezantasyon

Gesner Jean-Paul fèt Petyonvil 19 novanm 1943. Li gen yon fòmasyon nan pedagoji ak yon lòt nan lengwistik. Etid lengwistik la koumanse nan - ILA (Institut de Linguistique Appliquée) pou li fini nan CLAP (Centre de Linguistique Appliquée de Port-au-Prince) pandan 3 lane, 1978-1981. Fòmasyon sila yo penmèt li travay kòm pwofesè kreyòl nan fòmasyon mèt lekòl nòmal, nan fòmasyon teknisyen nan sante piblik ak nan alfabetizasyon.

Piblikasyon

Gesner JEAN PAUL ekri 2 liv nan kad CLAP :

• Mayi, 1982

• Diri, 1982.

• Li pibliye tou plizyè atik nan jounal Bon Nouvèl, Le Petit Samedi Soir ak jounal L’Union.

Angajman
Gesner JEAN-PAUL angaje nan fòme moun epi li travay anpil nan domèn sa yo

• Edikasyon

• Rechèch

Se Fakilte Lengwistik Aplike ki te depoze dosye kandidati Gesner JEAN-PAUL pou kòm Akademi Kreyòl Ayisyen

Akademi Kreyòl Ayisyen

Atik 213 Konstitisyon 1987 la prevwa pou Leta kreye yon akademi pou kore devlòpman lang kreyòl la. Se nan lane 2008, plis pase ven (20) lane apre adopsyon konstitisyon an, Inivèsite Leta Ayiti te pran inisyativ pou li mete kanpe komite pou tabli Akademi Kreyòl Ayisyen an ki te gen ladan li reprezantan divès enstitisyon, prive kou piblik. Konsa, soti 27 pou rive 29 oktòb 2011, komite a òganize yon kòlòk entènasyonal ki mobilize divès espesyalis nan edikasyon, sosyoloji, antwopoloji, lengwistik, sikoloji, elatriye.

Akèy

Akademisyen

Dokiman

Kontakte nou!

Istorik

Imaj

Videyo

Adrès: 20, Avni Lamartinière, Bwa Vèna, HT 6116, Pòtoprens, Ayiti | Telefòn : (+509) 3333-0815 / 3333-0816