Akademisyen Michel Frantz GRANDOIT

Prezantasyon

Michel Frantz GRANDOIT pran nesans 29 sektanm 1945 nan komin Pòtoprens. Frantz GRANDOIT etidye Filozofi nan Inivèsite Pari IV, Lasòbòn, kote li soti ak yon metriz; li gen yon sètifika nan Metodoloji envestigasyon / Aksyon Patisipasyon avèk IICA ak plizyè espesyalis ki te soti nan peyi Brezil.

Piblikasyon

. Goute sèl

. Manyèl platfòm pou lapè yo

. TKL yo ak Teyoloji loberasyon an

. Tè a se kòd lonbrik lèzòm

Angajman
Soti 2001 rive 2004, Michel Frantz GRANDOIT te kòdonatè Kanpay Nasyonal Alfabetizasyon Leta a; 2001- 2011, li te okipe fonksyon konsiltan nan Biwo Sekreteri Leta pou Alfabetizasyon ; 1989-2006, pwofesè nan CEPODE, nan Inivèsite Leta Ayiti, presizeman nan ENARTS ak Lekòl Nòmal Siperyè.

Li angaje li nan sektè sa yo :

. Edikasyon

. Dwa fanm

. Sosyoloji

. Relijyon

. Agrikilti

Se Sekreteri Leta pou Alfabetizasyon ki te depoze dosye kandidati Michel Frantz GRANDOIT kòm Akademisyen

Akademi Kreyòl Ayisyen

Atik 213 Konstitisyon 1987 la prevwa pou Leta kreye yon akademi pou kore devlòpman lang kreyòl la. Se nan lane 2008, plis pase ven (20) lane apre adopsyon konstitisyon an, Inivèsite Leta Ayiti te pran inisyativ pou li mete kanpe komite pou tabli Akademi Kreyòl Ayisyen an ki te gen ladan li reprezantan divès enstitisyon, prive kou piblik. Konsa, soti 27 pou rive 29 oktòb 2011, komite a òganize yon kòlòk entènasyonal ki mobilize divès espesyalis nan edikasyon, sosyoloji, antwopoloji, lengwistik, sikoloji, elatriye.

Akèy

Akademisyen

Dokiman

Kontakte nou!

Istorik

Imaj

Videyo

Adrès: 20, Avni Lamartinière, Bwa Vèna, HT 6116, Pòtoprens, Ayiti | Telefòn : (+509) 3333-0815 / 3333-0816