Akademisyen Guy Gérald MÉNARD

Prezantasyon

Guy Gérald MÉNARD fèt 4 mas 1947, nan vil Pòtoprens, depatman Lwès peyi Ayiti. Guy Gérald Ménard se pwofesè inivèsite. Li gen yon lisans nan edikasyon (Barry University, USA, 1987).

Piblikasyon

Guy Gérald Ménard patisipe nan piblikasyon plizyè liv ak plizyè atik nan jounal ak nan revi. Pami piblikasyon sa yo, nou ka site :
• Aksyon Patriyotik : yon mouvman politik e kiltirèl, in Le Prix du Jean-Claudisme, C3 Editions, 2013.
• Sezon Malè, Recueil de Poésie, 2012.
• Similak, recueil de poésie, 1998, 2001.
• Ann rekonèt valè tout metye (compassion International), 2002.

Angajman
Nan kad travay li fè pou defann oswa fè pwomosyon pou lang kreyòl la, nou jwenn domèn tankou :
• Rechèch
• Lengwistik
• Edikasyon

Se Fondasyon Anne Marie Morisset ak Université d’Etat d’Haïti ki te pwopoze kandidati Guy Gérald MÉNARD kòm Akademisyen.

Akademi Kreyòl Ayisyen

Atik 213 Konstitisyon 1987 la prevwa pou Leta kreye yon akademi pou kore devlòpman lang kreyòl la. Se nan lane 2008, plis pase ven (20) lane apre adopsyon konstitisyon an, Inivèsite Leta Ayiti te pran inisyativ pou li mete kanpe komite pou tabli Akademi Kreyòl Ayisyen an ki te gen ladan li reprezantan divès enstitisyon, prive kou piblik. Konsa, soti 27 pou rive 29 oktòb 2011, komite a òganize yon kòlòk entènasyonal ki mobilize divès espesyalis nan edikasyon, sosyoloji, antwopoloji, lengwistik, sikoloji, elatriye.

Akèy

Akademisyen

Dokiman

Kontakte nou!

Istorik

Imaj

Videyo

Adrès: 20, Avni Lamartinière, Bwa Vèna, HT 6116, Pòtoprens, Ayiti | Telefòn : (+509) 3333-0815 / 3333-0816