Akademisyen Michel-Ange HYPPOLITE

Prezantasyon

Michel-Ange HYPPOLITE fèt 24 desanm 1953 nan vil Gonayiv, depatman Latibonit peyi Ayiti. Michel-Ange Hyppolite se yon ansyen pwofesè inivèsite. Li genyen yon metriz nan Edikasyon (Université d’Ottawa, 1989). Li gen yon lisans nan Biyoloji (Jersey City State College, 1980).

Piblikasyon

Michel-Ange Hyppolite pibliye plizyè liv ak plizyè atik nan jounal ak nan revi. Pami piblikasyon sa yo, nou ka site :
• Lèt Ife ak Soul (rekèy tèks lèt), Edisyon Production Koukourouj, 2006.
• Istwa Pwezi Kreyòl Ayiti, Edisyon Educa Vision, 2000.
• Kò moun: sistèm Zo – Liv lekòl, Educa Vision, 1996.
• Zile Nou – Pwezi, Editions Productions Koukourouj, 1995.
• Anba-Lakay – Pwezi, Editions Nèg Bosal, 1984.

Angajman
Nan kad travay li fè pou li defann oswa fè pwomosyon pou lang kreyòl la, nou jwenn domèn tankou :
• Rechèch
• Edikasyon
• Biyoloji

Se Sosyete Koukouy ak GRAHN-Canada ki te pwopoze kandidati Michel-Ange HYPPOLITE kòm Akademisyen.

Akademi Kreyòl Ayisyen

Atik 213 Konstitisyon 1987 la prevwa pou Leta kreye yon akademi pou kore devlòpman lang kreyòl la. Se nan lane 2008, plis pase ven (20) lane apre adopsyon konstitisyon an, Inivèsite Leta Ayiti te pran inisyativ pou li mete kanpe komite pou tabli Akademi Kreyòl Ayisyen an ki te gen ladan li reprezantan divès enstitisyon, prive kou piblik. Konsa, soti 27 pou rive 29 oktòb 2011, komite a òganize yon kòlòk entènasyonal ki mobilize divès espesyalis nan edikasyon, sosyoloji, antwopoloji, lengwistik, sikoloji, elatriye.

Akèy

Akademisyen

Dokiman

Kontakte nou!

Istorik

Imaj

Videyo

Adrès: 20, Avni Lamartinière, Bwa Vèna, HT 6116, Pòtoprens, Ayiti | Telefòn : (+509) 3333-0815 / 3333-0816