Akademisyen Pierre-André PIERRE

Prezantasyon

Akademisyen Pierre-André PIERRE fèt 12 novanm 1952 nan komin Akayè, Depatman Lwès peyi Ayiti. Li se aktyèl Prezidan Akademi Kreyòl Ayisyen an (2018-2020). Se yon Monseyè Legliz Katolik, ansyen Rektè Inivèsite Notre-Dam Ayiti. Li etidye Filozofi, Teyoloji nan Enstiti ak Fakilte Teyoloji Legliz Dayiti […Ayiti] ak nan Inivèsite Urbaniana nan vil Wòm peyi Itali.

Piblikasyon

Pami tout zèv li yo nou ka site:

• Tradiksyon Labib an kreyòl

Angajman
Nan kad travay li fè pou defann oswa fè pwomosyon pou lang ak kilti kreyòl la, li entèveni nan sektè sa yo:

• Kominikasyon

• Relijyon

• Edikasyon

• Agrikilti

• Kilti

Se Komisyon Episkopal pou Labib ki te delege Pierre André PIERRE pou li vin manm Akademi Kreyòl Ayisyen nan non li.

Akademi Kreyòl Ayisyen

Atik 213 Konstitisyon 1987 la prevwa pou Leta kreye yon akademi pou kore devlòpman lang kreyòl la. Se nan lane 2008, plis pase ven (20) lane apre adopsyon konstitisyon an, Inivèsite Leta Ayiti te pran inisyativ pou li mete kanpe komite pou tabli Akademi Kreyòl Ayisyen an ki te gen ladan li reprezantan divès enstitisyon, prive kou piblik. Konsa, soti 27 pou rive 29 oktòb 2011, komite a òganize yon kòlòk entènasyonal ki mobilize divès espesyalis nan edikasyon, sosyoloji, antwopoloji, lengwistik, sikoloji, elatriye.

Akèy

Akademisyen

Dokiman

Kontakte nou!

Istorik

Imaj

Videyo

Adrès: 20, Avni Lamartinière, Bwa Vèna, HT 6116, Pòtoprens, Ayiti | Telefòn : (+509) 3333-0815 / 3333-0816