Akademisyen Pierre Michel CHERY

Prezantasyon

Pierre Michel CHÉRY fèt 18 mas 1956 nan yon komin Miragwàn, Depatman Nip. Li etidye estatistik ak enfòmatik kote li pran yon metriz nan Teknoloji enfòmasyon. Nan lane 1983, li soti ak yon diplòm nan Jesyon biznis nan INAGHEI, Inivèsite Leta Ayiti. Kòm kesyon lang te toujou enterese li, nan lane 1994, li antre nan Fakilte Lengwistik Aplike pou etidye Lengwistik.

Piblikasyon

Pami plizyè zèv an kreyòl li pibliye, nou ka site woman sa yo:

- Eritye Vilokan

- Bèbègòlta

- Senfoni Nago

Angajman
Pierre Michel CHÉRY se yon defansè, yon pwomotè lang nasyonal ayisyen an. Li chwazi ekri sèlaman nan lang kreyòl. Li se otè plizyè woman ak atik refleksyon sou literati ak kilti ayisyen. Li pwodui tou yon kantite atik ki konsène ansèyman matyè an kreyòl nan lekòl Ayiti, prensipalman ansèyman matematik an kreyòl kote li pwopoze kèk zouti pedagojik.

Li angaje li nan sektè sa yo :

- Edikasyon

- Lengwistik

- Rechèch sou lang kreyòl

Se Sosyete Animasyon ak Kominikasyon Sosyal (SAKS) ki te depoze dosye kandidati Pierre Michel CHÉRY kòm Akademisyen

Akademi Kreyòl Ayisyen

Atik 213 Konstitisyon 1987 la prevwa pou Leta kreye yon akademi pou kore devlòpman lang kreyòl la. Se nan lane 2008, plis pase ven (20) lane apre adopsyon konstitisyon an, Inivèsite Leta Ayiti te pran inisyativ pou li mete kanpe komite pou tabli Akademi Kreyòl Ayisyen an ki te gen ladan li reprezantan divès enstitisyon, prive kou piblik. Konsa, soti 27 pou rive 29 oktòb 2011, komite a òganize yon kòlòk entènasyonal ki mobilize divès espesyalis nan edikasyon, sosyoloji, antwopoloji, lengwistik, sikoloji, elatriye.

Akèy

Akademisyen

Dokiman

Kontakte nou!

Istorik

Imaj

Videyo

Adrès: 20, Avni Lamartinière, Bwa Vèna, HT 6116, Pòtoprens, Ayiti | Telefòn : (+509) 3333-0815 / 3333-0816