Akademisyen Jean Robert PLACIDE

Prezantasyon

Akademisyen Jean Robert PLACIDE fèt 11 desanm 1950, Pòtoprens, depatman Lwès, Ayiti. Li etidye Lengwistik aplike nan Inivèsite Québec-Montréal (UQÀM/Kanada). Li gen yon lisans nan Syans langaj, yon sètifika nan Alfabetizasyon ak yon sètifika nan Achivistik.

Akademisyen Jean Robert PLACIDE se pwofesè kreyòl, anseyan retrete nan Commission Scolaire de Montréal (CSDM), Kanada. Depi 1970, li kòmanse anseye kreyòl nan pawas Sentàn, Ayiti, epi li t al kontinye nan Sant N A Rive nan Canada.

Piblikasyon

- Gramè kreyòl SNR a (Edisyon I ak II) sou direksyon Joseph Sauveur JOSEPH

- Yon amenajman lengwistik pou devlòpman pèp ayisyen an: de lang ofisyèl ak valorizasyon kreyòl la (an kolaborasyon ak GRAHN)

Angajman

· Edikasyon

· Lengwistik

Se Sant N A Rive nan Canada ki te pwopoze kandidati Jean Robert PLACIDE pou li te vin manm Akademi Kreyòl Ayisyen.

Akademi Kreyòl Ayisyen

Atik 213 Konstitisyon 1987 la prevwa pou Leta kreye yon akademi pou kore devlòpman lang kreyòl la. Se nan lane 2008, plis pase ven (20) lane apre adopsyon konstitisyon an, Inivèsite Leta Ayiti te pran inisyativ pou li mete kanpe komite pou tabli Akademi Kreyòl Ayisyen an ki te gen ladan li reprezantan divès enstitisyon, prive kou piblik. Konsa, soti 27 pou rive 29 oktòb 2011, komite a òganize yon kòlòk entènasyonal ki mobilize divès espesyalis nan edikasyon, sosyoloji, antwopoloji, lengwistik, sikoloji, elatriye.

Akèy

Akademisyen

Dokiman

Kontakte nou!

Istorik

Imaj

Videyo

Adrès: 20, Avni Lamartinière, Bwa Vèna, HT 6116, Pòtoprens, Ayiti | Telefòn : (+509) 3333-0815 / 3333-0816