Akademisyen Wilner DORLUS

Prezantasyon

Akademisyen Wilner DORLUS fèt nan komin Aken, depatman Sid 21 oktòb 1966. Soti 1987 rive 1990 li etidye Lenguistik nan Fakilte Lengwistik Aplike, Inivèsite Leta Ayiti. Nan lane 2005 pou rive 2007 nan Inivèsite Antiy-Giyàn (UAG), li fè yon metriz nan Didaktik lang franse. An 2011, li fè yon metriz nan Syans Devlòpman nan Fakilte Etnoloji.

Piblikasyon

Pami pwodiskyon li yo, gen:

- Modil Fòmasyon pou kominikasyon kreyòl

- Gramè Kreyòl

Angajman
Li se pwofesè Lang Kreyòl nan plizyè invèsite ak lekòl segondè nan kapital la. Li pwodui dokiman an kreyòl pou pwofesè/fòmatè. Wilner DORLUS genyen yon bèl karyè kòm pwofesè nan nivo klasik ak inivèsite: pwofesè Didaktik Lang kreyòl nan Inivèsite Episkopal Ayiti pou Depatman Syans Edikasyon, depi 2006; pwofesè sosyolengwistik ak kominikasyon kreyòl nan CREFI, depi 2006; pwofesè Kominikasyon kreyòl nan Lise Anténor FIRMIN.

Li angaje li nan sektè sa yo :

- Rechèch

- Lengwistik

- Edikasyon

- Dwa timoun

- Dwa moun

Se Sosyete Animasyon ak Kominikasyon Sosyal (SAKS) ki te depoze dosye kandidati Wilner DORLUS kòm Akademisyen.

Akademi Kreyòl Ayisyen

Atik 213 Konstitisyon 1987 la prevwa pou Leta kreye yon akademi pou kore devlòpman lang kreyòl la. Se nan lane 2008, plis pase ven (20) lane apre adopsyon konstitisyon an, Inivèsite Leta Ayiti te pran inisyativ pou li mete kanpe komite pou tabli Akademi Kreyòl Ayisyen an ki te gen ladan li reprezantan divès enstitisyon, prive kou piblik. Konsa, soti 27 pou rive 29 oktòb 2011, komite a òganize yon kòlòk entènasyonal ki mobilize divès espesyalis nan edikasyon, sosyoloji, antwopoloji, lengwistik, sikoloji, elatriye.

Akèy

Akademisyen

Dokiman

Kontakte nou!

Istorik

Imaj

Videyo

Adrès: 20, Avni Lamartinière, Bwa Vèna, HT 6116, Pòtoprens, Ayiti | Telefòn : (+509) 3333-0815 / 3333-0816